பெண் தோழி

ஊர் சுற்றி 

வெட்டிக்கதை பேசி 

முடிந்தவரை கிண்டல் செய்து 

சொந்தம் சோகம் பகிர்ந்து 

சொல்லா ரகசியம் உடைத்து 

பகிர்ந்து உண்டு 

தேவை  தெரிந்து உதவி புரிந்து 

குடும்பத்தோடு அங்கமாகி 

என எல்லா நட்புக்குரிய புனிதத்தையும் 

வேண்டாம்...
என சொல்லும் தோழமை பெண்ணே

நட்புமா  நிபந்தனைகுட்பட்டது?

இரவு மழை

இரவு மழை 

உடல் வலிக்கும் வரை வேலை,

நடை பாதை தூக்கம்,

இரவு மழையே 

பகலில் வா.

சம்பள பணம் தீர்ந்த பின்னும் 

கடன் வைத்து குடித்து விட்டு 

தெருவிலே விழுந்து விட்டேன்,

இரவு மழையே , எழுப்பவா.

காலை தூக்கம் வேண்டி,

முன் இரவே

வாசல்  கோலம்.

இரவு மழையே   வேண்டாம் போ. 

இருக்க இடம் இழந்து 

பிச்சையில் உயிர் வளர்த்தேன்,

இன்றேனும் குளிப்பதற்கு 

இரவு மழையே   உடனே வா.....

உடல் நினைய ஆசை

உடை நினைய இல்லை 

நாளைக்கும் வேலை

மழையே நீ இரவில் வா 

விளைநிலங்கள் என்ன விதவையா
வித்துக்கள் தாங்கி

மாசமாக காத்திருக்கிறது

மழையே நீ வா வா ....

 

முரண்

விதவைக்கு வழி எங்கும் பூ தூவினர்

அவள் இறுதி ஊர்வலத்தில்.

நாம் காதலிக்கவில்லை ...

உன் தூரத்து சிரிப்பால் கிளர்ச்சி ஆனேன்

காத்திருந்த போது  கவிஞன்ஆனேன்

தோள் உரச நடக்கும் போது மயக்கமானேன்

 ஆறுதல் காட்டும் போது அடிமையானேன்

முத்தமிடும் போது மோகமானேன் 

வேண்டாம் போ! என்ற போது வெறுத்து போனேன் 

நீ மட்டும் போதும் என்று பைத்தியமானேன் 

தாலி கட்டி உன் சொந்தமானேன் 

முதல் இரவில் காமமானேன்

பின் இரவில் பந்தமானாய் 

வருடங்கள் உருண்ட பின் என் நட்பானாய் 

முதுமையில் எனக்கு துணையானாய் 

இறந்த பின் என் தெய்வமானாய் 

இதில் எங்கிருத்து வந்தது காதல் ..............?

கனவினை நேசி

கனவினை நேசி  கனவினை நேசி 

உயிரோடு உருவான கனவினை நேசி 

பணம் காதல் பாசத்திற்கு கனவினை மறந்தோம்

எதோ ஒரு தொழில் செய்து வேசி போல் பிழைத்தோம் 

இரவெல்லாம் கனவினை கண்ணீரில் நினைத்தோம் 

யாருக்கும் தெரியாமல் மனதோடு புதைத்தோம் 

வலியோடும்   ரணமோடும்  முகம் தினம் சிரிக்கும் 

அடயாளம் தெரியாமல் கனவு தினம் அழுகும் 

கண் முன்னே கனவு இறக்க காப்பாற்ற மறந்தோம் 

விதிமேலே பழி வைத்து மீள துயர் கொண்டோம் 

இனியனும் தலை நிமிர்ந்து கனவினை நேசி 

மனமே நீ சுதந்திரமாய்   கனவினை நேசி

உன் சாயல்

தினம் செய்யும் பணிகளை

மனம் விரும்பாது

கனவெது  நிஜம் எது 

அது அறியாது

உன்னை எண்ணி இருக்கையில் 

உணர்வு  அறியாது 

சாலையோரம் வேலை நேரம் 

என  தெரியாது 

வரவில்லையே  நீ வரவில்லையே 

என ஏங்கி கொண்டிருப்பது 

என் தவறு இல்லையே

என் வாழ்வு நீ  இன்றி

என் உயிர் இல்லையே

அழியா காதல்

நீ இன்றி என் காதல் உள்ளதடி

உன் பின்னே என்னாலும் செல்லுமடி 

நீ விட்டு போனாலும் வாழுமடி 

என்  காதல் அழிவதில்லை.

சுழ்நிலை மாற்றம்

வெறுக்கும் புது வெயில் 

ஊர்ந்து செல்லும் வாகனம், 

தெரியும் வரை சாலை நெரிச்சல் 

காதடைக்கும் ஒலிப்பான் சப்தம், 

எல்லாம் ரசித்தபடி என் வண்டியில் நான்

பின் இருக்கையில் என் காதலி ...

அழிவு

கரையை இடித்து உயிரை அழித்து 

உலகை விழுங்கும் இயற்கையே

மனிதனை தந்த நீயே ...

ஏன் மனிதனை அழிக்க பார்க்கின்றாய். 

மனிதனே மனிதன் அழித்தது போதாதோ  - ஏன் 

எம்குலத்தை அழிக்க நீ வந்தாயோ...

ஜப்பானிய சகோதரன் உயிருக்காக 

ஒப்பாரி வைக்கும் பாமரன் நான் 

என்னாலும் மனிதனை வேரோடு அழிக்கும்

எண்னத்தை விட்டுவிடு இயற்கையே

என்னாலும் இயற்கையை ரசிக்கின்றேன் 

நீ கொன்றால் என் அகம் துடிகின்றேன்

புரிதல்

ஊழ்வினை உந்த என் இடம் மறந்தேன்
உன்னிடம் உன்னுள் ஒருநொடி மறந்தேன்
ஆணி  வேரென பூமி துளைத்து
ஆகாயம் தொட்ட காற்றாய் மகிழ்ந்தேன்
காதல் புரிந்ததில் காதல் புரிந்தது

தடையில்லா  அன்பில் புரிதல் வளர்ந்தது

த பதில் ஆ முன் அடி சுவைக்கும்
கவி இல்லா  தாள் என மனம் கிடக்கும்.

கள்ளம்

பொன் நிறை கவர்ந்து
செல்வனே ஆவான்,
இரவுரங்க கள்வன் கண் .


மண்சரிய உருளும் கல்யை
தொடநிழலின் கணம்
கள்வர் செயல்.

அறம் பிடியில் நிசம்
சொல்லியும் கள்வன்
பொருட்டு கதை.


தாழ்ஆழம், வெளியோட்டை,
நாய் கடைவிரல் அறிவன்,
களவிடும் முன்னம் .


அறமரிந்து பொய் தெரிந்தே
உரைப்பவன், கோமகனே
ஆயினும் கயவன்.

நேரடி கண் கதவடி
கான் இருப்பின், நோக்கின்றி
நுழைய கயவர்.


கார்சூழ்ந்து அசைய
மரமென மெய், ஊண்
கை களவாடும்.


கர்மமரிய கர்வம் கனக்கும் ஆதலால்
மர்மம் போதிக்கும் நிலை.

இலை மறை

பெண் கல்,

ஆண் உளி,

சில பாகம் சிதைத்து தான் 

சிற்பம் கொணரும்.  

தெய்வம்

உடல் கிழிந்த 
வலி மகிழ்ந்து,
உயிர்  உணவாய்
தந்த தாய்.